તારી ન હાજરી હો એવી ન જગા યાદ …..મુહમ્મદઅલી વફા
આવી ગઈ મુજને કદી મારી ખતા યાદ,
ઈમાનનો પણ એ તકાદો આવે ખુદા યાદ.
બખશીશની ઉમ્મીદ હું એવી લઈ બેઠો
કરતો રહું છું હાં હવે હું મારા ગુના યાદ.
બે ચાર ઘૂંટ પીવાનું મારુ યે મન હતું,
તારી ન હાજરી હો એવી ન જગા યાદ.
એ દર્દ જેને મે પાળ્યું છે જતનથી,
મુજને તબીબ માફ કર એની ન દવા યાદ.
ઝુલ્ફોની મહેકો ઉપર આખી વસંત ફીદા,
તારા ચમનની છેડતી કરતી તે હવા યાદ.
ભુલી જવાશું કાફલાની ઊડતી રેત જ્યમ,
મંઝિલ ઉપરતો કોને આવશે વફા યાદ.
મોહંમદ અલી વફા ૧૦ ફેબ્રુ.૨૦૦૬
Advertisements
આપના પ્રતિભાવ