બધા પાલવે એક આંધી ચઢી છે…..મુહમ્મદઅલી વફા
હવે જ્યારથી તું જ આંખે ચઢી છે,
મુસીબત અમારેય કાંધે ચઢી છે.
કયા પાલવે જઈ છુપાવું દરદને,
બધા પાલવે એક આંધી ચઢી છે.
ન ઊડી શકે જે અધરના કમળથી
બધી વાત ભીંતો ના માથે ચઢી છે.
ન ટપકી શકી જે નયનને કટોરે
હવે આભમાં જૈ ખરાબે ચઢી છે.
સતાવા તણો સમય ક્યાં આજ બાકી
બધી જિંદગી આજ ડૂસકે ચઢી છે
ધરા પર રહીને હવે ક્યાં નિરખશો,
વફા લાગણી તો ઝરૂખે ચઢી છે.
Advertisements
Bagewafa
આપના પ્રતિભાવ