Posted by: Bagewafa | ફેબ્રુવારી 17, 2015

રણ પાથરે છે…..મુહમ્મદઅલી વફા

રણ પાથરે છે…..મુહમ્મદઅલી વફા

રસ્તો નહીં પણ ચરણ પાથરે છે
હોઠો તૃષિત પાસ રણ પાથરે છે.

રસ્તો નથી કોઈ, અંધારુ ભટકે
ઇચ્છાતણાં એ હરણ પાથરે છે.

કેડી જરા જ્યાં કોતરે જિવનની
આવી કઝા ત્યાં મરણ પાથરે છે.

ગુલથી સજાવી બધા રાહ દીધા
કંટક ભલા ત્યાં કો જણ પાથરે છે.

મંઝિલ વફા જ્યાં સાંપડે કદી તો
રસ્તા બધા આગ પણ પાથરે છે.

Advertisements

શ્રેણીઓ