લાગણી વરસી પડે…….મુહમ્મદઅલી વફા
યાતના જ્યારે દિલોની વેલ પર લટકી પડે.
દર્દનો દરિયો નયનની ધારથી સરકી પડે.
ચાલનારા ગર્વથી પાષાણની છાતી ઉપર,
પુષ્પની કોમળ ધરા પર એ સહજ લપસી પડે.
વજ્ર જેવી ભોમ થી ફૂટી પડે બે પાંદડી
પ્રેમની ગંગા મહીં જો લાગણી વરસી પડે
એમના બાળક ઉપર આનંદની હેલી ચઢે
આશના તારા ગરીબીનાં ઉપર ચમકી પડે
પથ્થરોથી પણ નિભાવી લે કદી નાતો વફા
વેણનો કાંટો કદી હૈયા મહીં ખટકી પડે.
Advertisements
Bagewafa
Thank you.Very Good. Appreciate.
By: mddesai on નવેમ્બર 1, 2014
at 12:45 એ એમ (am)