Posted by: Bagewafa | જુલાઇ 24, 2014

કફન ખરીદવામાં……મુહમ્મદઅલી વફા

કફન ખરીદવામાં……મુહમ્મદઅલી વફા

ગુમાવી છે ઇજ્જત અમન ખરીદવામાં
થયો સોદો ગુલનો ચમન ખરીદવામાં

ન ધડ પર હો મસ્તક નિહાળવું કઈ રીતે
થયો સરનો સોદો નયન ખરીદવામાં

તમે વેચી દો તારકો, ચાંદ સૂરજ
નફો શું કર્યો આ ગગન ખરીદવામાં

રહીના પ્રજા તો જમીનની શી કિમત?
નવેચો પ્રજાને વતન ખરીદવામાં

ખુશી ઈદ તણી પણ મળી વફા આ કેવી?
ફલસ્તીની મશ્ગુલ કફન ખરીદવામાં

Advertisements

શ્રેણીઓ