મક્કાર આવશે…..મુહમ્મદઅલી વફા
વરસાદ પણ હવે મુશળધાર આવશે
વિષ બાગ ના બધે એ લણનાર આવશે.
માગી શકો ન કોઈ તણખુંય હક તણું,
એ દ્વાર પર બનીને હકદાર આવશે.
તે રક્ત જે વહ્યું દામન પર એમના,
તે મગરના અશ્રુનો લૈ હાર આવશે.
બસ શ્વાન મોત ના ઉપર દુ:ખ તો થયું,
પણ માનવી પર કદી કાં પ્યાર આવશે?
ઝૂલી જશે ગુલોનો અંબાર બાગમાં
એની કળી કળી ને ચૂંથનાર આવશે.
દર્દો તણી મતા અર્પી કાલ જેમણે
જોજો વફા દવા લૈ મક્કાર આવશે.
Advertisements
આપના પ્રતિભાવ