Posted by: Bagewafa | સપ્ટેમ્બર 4, 2013

ગઝલ:ચમન થઈ જવાના….મુહમ્મદઅલી વફા

ચમન થઈ જવાના….મુહમ્મદઅલી વફા

હરણ આશના આ ગગન થઈ જવાના,

તમે ઝાંઝવાનાં જલન થઈ જવાના.

 

અમે તો કપાસી ગુલોની  નસબના,

કદી ચૂંદડી કે  કફન થઈ જવાના.

 

આ વણજાર હૈયા તણું તો વતન શું?

મળે પ્રેમ ના , બે વતન થઈ જવાના.

 

જરા આ ધરા પર ભરોસો કરોતો,

અમે ફૂલ થાશું,ચમન થઈ જવાના.

 

વફા બાગ છીએં અમે ગુલ કળીનાં,

ધરી જામ ખૂશ્બૂ  દફન થઈ જવાના.

Advertisements

શ્રેણીઓ