ગઝલ:પડઘા વગરની જિંદગી—મુહમ્મદઅલી વફા

મત્લા વગરની જિંદગી

મકતા વગરની જિંદગી

જોને ગઝલ લાચાર છે

છંદો વગરની જિંદગી

પડઘા વગરની જિંદગી—મુહમ્મદઅલી વફા

તણખા વગરની  જિંદગી

માળા વગરની જિંદગી

 

ભૂગોળમાં ક્યાંથી જડે?

નકશા વગરની જિંદગી.

 

સૂરજ પણા થાકી જશે,

સંધ્યા વગરની જિંદગી.

 

વેરાન રણ ફેલાયલું,

ઘટના વગરની જિંદગી.

 

છે ઝાંઝવાની ગોદમાં

મમતા વગરની જીંદગી.

 

મૂંગો બિચારો શું વદે

પડઘા વગરની જિંદગી

 

ભટકી રહી ચારો તરફ,

રસ્તા વગરની જિંદગી.

 

ઊંઘ્યા કરે બેચેન થૈ

સપના વગરની જિંદગી.

 

એને સુરાની શી ખબર,

તૃષા વગરની જિંદગી.

 

કેદી બની  કો’પાંજરે,

ટહુકા વગરની જિંદગી.

 

જીવાય એ કૈ રીતના,

ચે’રા વગરની જિંદગી.

 

ક્યાં ચાંપશે અગ્નિ વફા

તરણાં વગરની જિંદગી