Posted by: Bagewafa | જૂન 22, 2011

ગઝલ:સમજાવી નથી શકતો-મુહમ્મદઅલી વફા

શેર

તું પણ રહ્યો તારી તૌહીદ મહીં બિલકુલ અડગ

હું પણ તારી ઇબાદતમાં અહિ વ્હેંચાયો નહીં

શેર 

દીવાનગી વ્હેંચાય ગૈ મારી વફા બન્ને તરફ

 

થોડી મળી કો ફૂલને થોડી કંટક ઊપર ઢળી

 

સમજાવી નથી શકતો-મુહમ્મદઅલી વફા

ઘણું છે ત્યાગવું પણ હું હજી ત્યાગી  નથી શકતો,

અને જે માગવું છે તે હજી માગી નથી શકતો.

 

તમોને હું નિહાળું ના- તમો છો  ખૂબ પાંસે પણ,

હ્રદયમાં છે જડિત એવી છબી  ઝાંખી નથી શકતો.

 

અહીં સાગર દરદનો આ વલોવાઈ  રહ્યો  હૈયે,

છતાં પણ આંખમાં અશ્રુ હજી વાવી નથી શકતો.

 

દુઆ માનો-દવા માનો તમે જે કૈં કહો એને,

તબીબોની કને થી એ મતા લાવી નથી શકતો.

 

વફા  હું શું કહું પીડા અમોને શી સતાવે છે?

 ન સમજુ છું અહીંપોતે – સમજાવી નથી શકતો.

Advertisements

શ્રેણીઓ