Posted by: Bagewafa | માર્ચ 27, 2010

ગઝલ :અફવા હશે—-મુહમ્મદઅલી વફા

અફવા હશે—-મુહમ્મદઅલી વફા

શબ્દો મહીં ગોપિત બધી ગાથા હશે,

કંઈ નહીં, કૈં તો  હશે, અફવા હશે.

 

સોગાત કોઈ એમની આવી પડી

હૈયું બળી રહ્યું અહીં, લાવા હશે.

 

લો ફસલ પણ ઉતરી રહી આ ગામમાં

લોહી હશે, આંખો હશે, માથાં હશે..

 

વાડા થયા ધર્મો તણા નામે બધા

શોણિત તણાં રંગો બધા રાતા હશે..

 

ભટકે વફા જંગલ બયાબાંમાં ભલા

પથ્થર હશે, ઝાડી હશે ,કાંટા હશે.

 

ખીલી ગયું આ રણ મહીં  કો ફૂલ જો!

વેરાયલા  હેતો તણાં છાંટા હશે.

Advertisements

Responses

  1. Vafa Saheb,

    સરસ ગઝલ,
    પણ આ શેર ખૂબ જ ગમી ગયા.

    લો ફસલ પણ ઉતરી રહી આ ગામમાં
    લોહી હશે, આંખો હશે, માથાં હશે..

    વાડા થયા ધર્મો તણા નામે બધા
    શોણિત તણાં રંગો બધા રાતા હશે..

  2. સરસ ગઝલ , આભાર

  3. This is such a nice gujarati Gazal.


શ્રેણીઓ