Posted by: Bagewafa | જાન્યુઆરી 19, 2010

હઝલ:કદી તો પ્યારથી લડશે—મુહમ્મદઅલી વફા

કદી તો પ્યારથી લડશે—મુહમ્મદઅલી વફા

કદી કો’ તીરથી લડશે કદી તલવારથી લડશે,

ન પૂછો એમને !એ આંખડીની ધારથી લડશે.

 

નથી એની જરૂરત કે સદા ખૂનો ખરાબા હો,

હમેશા એ  ભલા લડશે, કદી તો પ્યારથી લડશે.

 

તજી દુનિયા સદા દેશે,   ફકીરી પેહરણ ઓઢી,

પછી દુનિયા તણાં લોકો તરફ એ ભારથી લડશે.

 

જિવનનાં બાગની  દુનિયા ઉજાડી એ પ્રથમ દેશે,

પછી જે પણ બચેલા ખાર છે એ ખારથી લડશે .

 

બધી એ યાતનાઓનો ઝમેલો આવતો જ્યાંથી

કદી તો એ હવાઓથી કદી તો દ્વારથી લડશે.

 

પડી ગૈ છે વફા જેને સતત ઝઘડા તણી આદત

કદી એ જીતથી લડશે, કદી તો હાર થી લડશે.

 

Advertisements

શ્રેણીઓ