Posted by: Bagewafa | જાન્યુઆરી 2, 2010

અછાંદસ:આપણાં મૃતકો—મુહમ્મદઅલી વફા

આપણાં મૃતકો—મુહમ્મદઅલી વફા

આપણા મૃતકો

આપણાં મૃત સૈનિકો

મૃત સંવાદદાતાઓ

દૂર દૂર

રણ વગડેથી

અને અફઘાનનાં ખંડેરોમાંથી

રકત ટપકતી ઝોળી

કે

શબ પેટીમાં

આપણા રાષ્ટ્રિય ઝંડામાં લપેટાયને

આપણાં આંગણે આવે છે

બધી આંખો અશ્રુઓથી ભરેલી

જાણે વહેતી નદી

હૈયાં દર્દ થી વિંધાયલા

સમગ્ર રાષ્ટ્ર શોકમાં ગરકાવ

આહ! કોઈના લાડકાવાયા !

પણ એ ખંડેરિસ્તાનમાં

 કેમ મોકલાયા?

રણની રેતી

ખંડેરોના  જંગલો

વરસતા બોંબની વર્ષા

ફોસ્ફરસના ધૂમાડાઓ

કલસ્ટર(બોંબ)ના ફૂલો

ડેઝી કટરનીફૂલઝડી

ટેંકો ના શ્વાનો

મિસાઈલના સર્પો

મશીનગનોથી પ્રસુતાયેલી ગોળીઓ

ખંડેરોના જંગલોમાં

ઘવાતા,મરતા

માણસ જેવા લોકો

બાળકો જેવા રમકડાં

એમના સ્વજનોની આંખમાંથી શૂષ્કાયેલું પાણી

રૂદન વિહિનતા

એમની નસોમા થીજી ગયેલું નામનું રકત

એમના ડૂસકામાં વિષાદની શાંતિ

આપણા કેમેરાઓની તાલાવેલી

આપણી બંદૂકના અચૂક નિશાનાઓ

તે બંજર પહાડો

અને બંજર જમીનનાં કણે કણમાં

ધર્બાયલા આપણા બારૂદના ખજાનાઓ

એક મહા અગ્નિ તાંડવ કરે

એના પર આપણા લાલો અને

લલનાઓને ચાલવા

શાંતિની ચિતાઓ ખરીદવા

 કોણ મજબૂર કરી રહ્યું છે?

કોણ મજબૂર કરી રહ્યું છે?

 કોણ મજબૂર કરી રહ્યું છે?

Advertisements

શ્રેણીઓ