Posted by: Bagewafa | નવેમ્બર 13, 2009

ગઝલ:અમારા ઉત્તરોનાં પાન પર—મુહમ્મદઅલી વફા

Glass

અમારા ઉત્તરોનાં પાન પર—મુહમ્મદઅલી વફા

ઘણી પ્યાસો અધૂરી ને  મળી ખાલી પિયાલી છે

અમારી પાંસ તો યા રબ ! ગમોની બસ સુરાહી છે

 

તમે ફૂલો બની ઊગી ગયાં કો પ્રેમની ડાળે

અમારા ભાગ્યમાં તો એક કાંટાની પથારી છે.

 

સવાલોથી ભરેલો થાળ સૂરજનો ન મોકલ તું

અમારા ઉત્તરોનાં પાન પર  સંધ્યાની  લાલી છે

 

હવે જોયા ન કર  ખાલી અરીસાની ઉદાસીને

બધી આંખો પ્રતિબિંબો તણી બેહદ સવાલી છે

 

વફા એ શૂન્યતાના દામને  ખૂશ્બૂ  કઈ નાંખું

બધાંયે ફૂલ નકલી છે   બધી યે ડાળ ખાલી છે 

 

Advertisements

શ્રેણીઓ