Posted by: Bagewafa | મે 23, 2009

ગઝલ*સુણાવે ક્યાં જઈ કોકિલ—મુહમ્મદઅલી વફા

 

સુણાવે ક્યાં જઈ કોકિલ—મુહમ્મદઅલી વફા

 

લખી છે શાંતિના  દ્વારે  બધી   સંહારની વાતો

કતલખાના  મહીં ઝૂરતી   હશે કો  પ્યારની વાતો

 

પરસ્પર થાય છે  ભેટો અને સોગાદ થી   સોદા

હવે હૈયાં મહીં જોખાય છે   વ્યાપારની વાતો

 

અમારે વાત કરવીતી  કળી, ડાળી અને ગુલની

ચમનમાં ત્યાં બધી ફેલાય તીણા ખારની વાતો

 

બધી ભાષા રહી મુંગી  લપાયા મૌન માં શબ્દો

બધી આંખે થઈ છે કેદ સૌ અણસારની વાતો

 

કરોછો યાદ અલ્લાહને અને  તે પણ ગણી તસ્બિહ

અરે આતો ઇબાદત છે કે ફકત  વ્યાપારની વાતો.

ભમરના દર્દની  કથની વફા ભમતી  હતી ડાળે

સુણાવે ક્યાં જઈ કોકિલ હવે દિલદારની વાતો

Advertisements

Responses

  1. કરોછો યાદ અલ્લાહને અને તે પણ ગણી તસ્બિહ
    અરે આતો ઇબાદત છે કે ફકત વ્યાપારની વાતો.

    Subhanallah, Mohammedali bhai,
    “Qatra Qatra Kuje Ka Dariya Lagata Hai”
    Khub Khub AAbhar.

    Sajid


શ્રેણીઓ