Posted by: Bagewafa | મે 6, 2009

ગઝલ*પાછું જડ્યું નહીં-મુહમ્મદઅલી વફા

પાછું જડ્યું નહીં—મુહમ્મદઅલી વફા

 

ખોવાયેલું એ બીજ તો પાછું જડ્યું નહીં
એકેય વૃક્ષ પાંડદા પહેરી ઉગ્યું નહીં

એ રેત પર પાણી તણા પડ્યા છે ઘસરકા
ભૂખી પડી છે એ નદી પાણી ઠર્યું નહીં.

સૂરજ ફકત વ્યવહારનો રાખે નર્યો સંબંધ
આ રાતની આંખો મહીં ઓજસ ભર્યું નહીં

દોડી જવાનો શોખ છે, દરિયા ના મુખ તરફ
ખારાશ વિણ એને કદી ત્યાંથી મળ્યું નહીં

મેં તો સતત પીધી વફા એના એ મયકદે
સાચું કહું આ જામ મુજ ક્યાંયે ઢળ્યું નહીં

Advertisements

શ્રેણીઓ