Posted by: Bagewafa | એપ્રિલ 13, 2009

ગઝલ:આરસી તરડાય ગઈ—-મુહમ્મદઅલી વફા

આરસી તરડાય ગઈ—-મુહમ્મદઅલી વફા

 

 

વાત ત્યાં પહોચી અને   તેવીજ એ બદલાય ગઈ

મોકલી મેં વાદળી પાણી બની   વરસાય     ગઈ

 

ભાર એનાથી સહન ના એ બનાવટનો    થયો

એ ચહેરા જોતાંજ  પેલી આરસી તરડાય ગઈ

 

 

સ્પર્શમાં તો  શું હશે ? કો આંચકો વીજો તણો

સ્હેજ જ્યાં એને અડો લજ્જામણી લજવાય ગઈ

 

 

આંખમાંથી એમની અવહેલના જ્યારે ખરી

મ્હેકતી ભીની અમારી લાગણી  છેદાય ગઈ

 

 

શું હશે ?કેવું હશે?  લક્ષ્યાંકનું બિંદુ વફા

દોડમાં એની સતત આ જિંદગી હોમાય ગઈ

Advertisements

Responses

  1. ભાર એનાથી સહન ના એ બનાવટનો થયો

    એ ચહેરા જોતાંજ પેલી આરસી તરડાય ગઈ

    vah bhai vah


શ્રેણીઓ