Posted by: Bagewafa | એપ્રિલ 6, 2009

ગઝલ: સદી એ દોડતી આવી—મુહમ્મદઅલી વફા

સદી એ દોડતી આવીમુહમ્મદઅલી  વફા

 

 

સતત અસ્તિત્વ ખોવાને ભલી એ દોડતી આવી

સમંદર ખાર ચૂસવાને   નદી એ દોડતી આવી

 

 

સમયની પાલખી માથે  લઈ ક્ષણો સફરમાં છે

જખમ ખંડેરના  ખણવા સદી એ દોડતી આવી

 

.

ન લંબાયો કદી પાલવ  અમારા અશ્રુઓ ઝીલવા

અમારા દર્દને  ઘુંટવા કદી એ દોડતી આવી

 

હવે સંકીર્ણ થાતો જાય છે   જીવન તણો રથ આ

અને સંકેલવા માયા  ઘડી એ દોડતી આવી

 

 

વફા જયારે અમારા નામની  તખ્તી ઉખડતી ગૈ

કબર પર ફૂલ ધરવાને પછી એ દોડતી આવી

 

 

Advertisements

શ્રેણીઓ