Posted by: Bagewafa | માર્ચ 8, 2009

ગઝલ:કંટકો ખૂંપી ગયા —મુહમ્મદઅલી વફા

jhankhra

ગઝલ

કંટકો ખૂંપી ગયા મુહમ્મદઅલી વફા

 

પ્રેમનાં જ્યાં તાંતણા તૂટી ગયાં

બાગમાં ત્યાં  ઝાંખરાં ઊગી  ગયાં

 

દર્દના સિક્કા બધા બોદા  હતા

આંખમાં પાણી  જરા  ખૂટી ગયાં

 

આ અમાસે કેમ  વર્ષાયાં નહીં

વાદળોનાં   હેત પણ રૂઠી ગયાં

 

ઝાડ પોલાં જ્યાં સબંધોના થયા

પ્રેમના પક્ષી  બધા ઊડી ગયાં

 

દિલ તણી મસ્તી અજબ કૈં ચીજ છે

જામ ખાલી  છે છતાં ઝૂમી ગયા

 

છે અમારી ચાલતો મુખલિસ વફા

તોય ઈર્ષા કંટકો  ખૂંપી ગયા

Advertisements

શ્રેણીઓ