ભીંતો ઉપર ચીતરે —મુહમ્મદઅલી વફા

ભીંતો ઉપર ચીતરે —મુહમ્મદઅલી વફા

 

ચર્ચાય   એ કેવાં ગયા ચોરે અને  ચોતરે.

નામો હવે  લોકો બધા ભીંતો ઉપર ચીતરે.

 

 

ને ઢોંગ પણ કરતા રહ્યા કાંચો તણી ભીત પર

એ આયનાની જાત પણ નિશ દિન તને છેતરે.

 

 

લોકો કહી વેણો કટું ચાલ્યા જશે  ઘર બધા

બેસી તમારી પાંસમાં નિજનાજ સહુ વેતરે.

  

 

સૂરજ ફરી  સાંજે જુઓ   તાળી તને દઇ ગયો

એની જરૂરત  જ્યાં પડી  છૂપી ગયો  ભેખડે.

  

 

જો હોય ના હૈયા મહીં કોઇ પણ લગન   ‘વફા’

રેતી ઉપર આ નામ ક્યાં આવી બધા કોતરે.

Advertisements