ફૂલ એના બાગના****મુહમ્મદઅલી’વફા’

ફૂલ એના બાગના****મુહમ્મદઅલી’વફા’

 

નેક મંઝિલને હવે તરતી કરો.

માણસાઈની હવે   ભરતી કરો.

 

એ કબૂતર તો કદી મોંઘું નથી,

પ્રેમની પાંખો બધી ફરતી કરો.

 

 

કોણ કાળું? કોણ ગોરું ?જો નહીં,

લાગણીની હોડકી તરતી કરો.

 

એક અલ્લાહ,એક ઈશ્વર, એક ઇશ,

બંદગીની  પાંદડી  ખરતી કરો.

  

ફૂલ એના બાગના પ્યારા  બધા,

ખૂશબૂથી મ્હેકતી ધરતી કરો.

 

હંસલી બેબાકળી  થઇ ને ફરે,

પ્યારના મોતી ધરી  ચરતી કરો.

 

નફરત તણી ઊધઈ ને પણ’ વફા’

કબર ખોડીને  હવે મરતી  કરો