Posted by: Bagewafa | એપ્રિલ 4, 2008

દર્પણ તરડાયું નહીં_ મોહમ્મદઅલી વફા

દર્પણ તરડાયું નહીં

 

મળ્યું મને   કંઇ એટલું   કે હાથમાં   માયું નહીં.

એ તો દરદ  નું પોટલું    મુજથી વહેંચાયું નહીં.

 

આવી મને દીધી બધાએ કેટલી શાબાશ પણ

મારી તડપતી   વેદના નું વજન ઠેલાયું નહીં

 

આવી હવે એ જોઇ લો એ જામ આખા છે ભર્યા

કિસ્મત તણી રંગી અદા કે કાંઇ પીવાયું નહીં.

 

દાવા હતા કંઇ કેટલા જાનો જિગર અર્પણ તણા

કોઇ પણ મોતી સમય ની ધારપર વિંધાયુ નહી.

 

જલ્સા બધા ફાકા મસ્તીના સતત ચાલુ રહ્યા

દર્પણ વફા. આ ભાગ્યનું તો સહેજ તરડાયું નહીં.

 

_ મોહમ્મદઅલી વફા

Advertisements

શ્રેણીઓ