Posted by: Bagewafa | માર્ચ 29, 2008

ચમનનો રંગ બદલાયો._ મોહમ્મદઅલી વફા

pooshpguchhchha.jpg 

ગગનનો રંગ બદલાયો

કળીનો રંગ બદલાતાં ચમનનો રંગ બદલાયો.
ગુલોથી ફોરમો ઉઠતાં સુમનનો રંગ બદલાયો.

અહીં ખીલી ઉઠી આજે કળી ઉમ્મીદની તર થઇ,
વદનનો રંગ બદલાયો,નયનનો, રંગ બદલાયો.

અને એથીજ છે પુલકિત સહેરાઓ તણા ફૂલો,
દુઆ એનીજથી તો કો જિવનનો રંગ બદલાયો.

જુઓ ચેહકી ઉઠી આ બુલબુલો ઉર્મિ તણી આજે,
મળેછે નવજિવન આજે વસંતનો રંગ બદલાયો.

બની સંધ્યા ખરે રંગીં ભળી આનંદની સુરખી,
ઉષાનો રંગ ખીલી ઉઠ્યો ગગનનો રંગ બદલાયો.

મુબારક બાદની કલગી વફા આપે મહેફિલમાં,
ખુશીઓનો કળશ ઢળ્યો વદનનો રંગ બદલાયો.

વફાની એ દુઆછે કે સદા શાદાબ હો જિવન,
સહેરા પર કલમ ઝુકતાં કવનનો રંગ બદલાયો.

_ મોહમ્મદઅલી વફા

(તા.9-4-67નાં રોજ એક અંગત મિત્રની શાદી પર નિકાહ વિધી બાદ સભામાં બા આવાજે બુલંદ દાદના નારાઓ વચ્ચે ગવાયેલી રચના)

Advertisements

Responses

  1. Vah! Khub! Sundar gazal chhe.


શ્રેણીઓ