Posted by: Bagewafa | માર્ચ 24, 2008

હો હલાહલ ઝેર તો પણ_મોહમ્મદઅલી વફા

vaadar.jpg 

હો હલાહલ ઝેર તો પણ

કોઇ પણ વાદા વગર કો ’દિ તો આવ તું.
શ્યામ ચાદર ભાગ્યથી થોડી હટાવ તુ.

જિંદગીના આંગણે ફૂ લો લગાવ તું
પ્રેમના આ બાગમાં ખૂશબુ બિછાવ તું.

એકતાની દેશમાં ધૂણી ધખાવ તું
હો હલાહલ ઝેર તો પણ ગટ ગટાવ તું

નફરત તણાં કંટકો ઉગશે આ રાહમાં
પ્યારથી એ રાહ પર ચાલી બતાવ તું.

છે જમાનો એહસાન ફરામોશ એ કબુલ
તો પણ છતાં એહસાંના ગુલ લૂંટાવ તું.

ફૂલ બદલે પથ્થરી સોગાદ પણ મળશે
પ્રેમનો સહુ આંખમાં સુરમો લગાવ તું .

આશ તું ના રાખતો બદલા તણી વફા
શ્યામ વાદળ પર ગુલાબી રંગ ચઢાવ તું.

_મોહમ્મદઅલી વફા

Advertisements

Responses

  1. નફરત તણાં કંટકો ઉગશે આ રાહમાં
    પ્યારથી એ રાહ પર ચાલી બતાવ તું.

    I liked this sher.

    Thanks for sharing.


શ્રેણીઓ