Posted by: Bagewafa | માર્ચ 18, 2008

ગઝલ:આંખો ઉપર લખ્યું_મોહમ્મદઅલી વફા

talvar.jpg 

 આંખો ઉપર લખ્યુંમુહમ્મદઅલી વફા

પલકો ઉપર લખ્યું અને પાંખો ઉપર લખ્યું.
સંદેશ જયાં છાનો હતો આંખો ઉપર લખ્યું.

કાગળ અને દીવાલ પર લખવું હતું મારે,
છોડી અમે સૂરજ કિરણ , રાતો ઉપર લખ્યું.

સૌંદર્ય તણા પેગામને ફેલાવવા માટે,
ટપકું તલો નું છીનવી, ગાલો ઉપર લખ્યું.

થોડો સમય રંગ રૂપની છોળો ઉડી જાશે,
ભરખી જશે આ પાનખર,બાગો ઉપર લખ્યું.

તૂટી જવાની તું ય છે પીને લહૂનો મય,
એવું કવન તલવારની ધારો ઉપર લખ્યું.

ખુલ્લા રહીને તુજ સફર થાશે અહીં તારી,
છોડી હવે તું દે મમત હાથો ઉપર લખ્યું.

સચવાઇ અહીં જો તું રહે તો ઠીક છે વફા,
આખું ચમન ભડથું થશે, તારો ઉપર લખ્યું.

Advertisements

Responses

  1. saras

  2. સુંદર ગઝલ.


    http://www.searchgujarati.com

    શોધો ગુજરાતી સાહિત્ય વિવિધ ગુજરાતી blogs અને websites પર


શ્રેણીઓ