Posted by: Bagewafa | માર્ચ 12, 2008

તબીબોના બધાનુસ્ખા _મોહમ્મદઅલી વફા

patanga.jpg 

તબીબોના બધાનુસ્ખા

બધી વાતો અહીં જન્નત તણી ઉધાર લાગે છે.
ફકીરોને હવે મીઠો બધો સંસાર લાગે છે.

હવાને એ વદેછે કે ઉડાવી એને લઇ જાએ,
ગુલોને રૂપનાં મદમાં સુગંધ નો ભાર લાગે છે.

મળ્યું છે દર્દ પણ એને રણે બેઠેલ મજનુથી,
તબીબોના બધાનુસ્ખા હવે બેકાર લાગે છે.

હતી એ વાત નાની પણ કહેનારો હતો લેખક,
પતંગાનો જુઓ કિસ્સો ઘણો દળદાર લાગે છે.

વફા સોંપી ગયા આવી મતા નાની કહીને એ,
જરા જોયું હ્રદયમાં તો હવે અંગાર લાગે છે.

_મોહમ્મદઅલી વફા

Advertisements

શ્રેણીઓ