Posted by: Bagewafa | માર્ચ 5, 2008

અમે ભરતા નથી કો જામ___ મોહમ્મદઅલી વફા

vijaree.jpg 

કરી લીધી કદી કો વાત તો એ પણ નજર વાંચી.
અમે ભરતા નથી કો જામ, તૃષાને વગર વાંચી.

કડાકા ને ભડાકાઓ થયા આકાશનાં મોભે,
બને ભેગા થયાં બે સોણલાં જલતી કદર વાંચી.

ઉઠાવી લઇ જશે એ રાતની શ્યામલ નિરાશાઓ,
જરા આ પ્રાત: ના માથા ઉપર ઉગતી સહર વાંચી.

અમારી વાત પહોંચી ગઇ ખબર એની અમોને છે,
તમારા હોઠ સીવાઈ ગયા’તા એ ખબર વાંચી.

‘વફા’ શબ્દો તણા પૂષ્પો તમે ના વેડફો નાહક,
કરો જો કોઇ પણ વાતો કરો એના અધર વાંચી.

                                               _ મોહમ્મદઅલી વફા

Advertisements

Responses

  1. અમારી વાત પહોંચી ગઇ ખબર એની અમોને છે,
    તમારા હોઠ સીવાઈ ગયા’તા એ ખબર વાંચી.

    wow! good one..


શ્રેણીઓ