ગઝલ :ભડકે બળેછે રોમ_મોહમ્મદઅલી વફા

ભડકે બળેછે રોમ_મોહમ્મદઅલી વફા

ભડકે બળેછે રોમ ને જોયા કરે,
નીરો સમયની વાંસળી ખોયા કરે.

ડાઘો હશે, કંઇ કેટલા પત્તી ઉપર,
ઝાકળ બિચારાં ફૂલને ધોયા કરે.

ના લુંછતું આંખો જુઓ સાગર તણી,
વાદળ બની વર્ષો થયાં રોયા કરે.

ક્યાં ફૂલ શોધો છો હ્રદયનાં બાગમાં,
માળી વતનનાં કંટકો બોયા કરે.

મોતી બધાં તો મરજીવો શોધે વફા,
સાગર તટે સૌ છીપને જોયા કરે

(29ફેબ્રુ.2008)

Advertisements