Posted by: Bagewafa | ફેબ્રુવારી 12, 2008

નાદાન મન_મોહમ્મદઅલી’વફા’

nadamunb.jpg 

નાદાન મન_મોહમ્મદઅલી’વફા’

કોઇને ઝંખ્યા કરે નાદાન મન.
આગમાં બળ્યા કરે નાદાન મન.

કોકિલાના કંઠમાં જઇ એ રડે,
દિલ મહીં ડંખ્યા કરે નાદાન મન.

જે નથી મળ્યું એનો શોક શો,
કેમ આ ઝૂર્યા કરે નાદાન મન.

હું સપાટી પર રહું છું બે ખબર,
યાદમાં તર્યા કરે નાદાન મન.

કોઇ સમજાવો હઠીલાને હવે,
 કેમ આ તડપ્યા કરે નાદાન મન.

વેદનાનાં ભારથી એ દૂઝતું,
આંખથી ઝર્યા કરે નાદાન મન.

મન તણી આ વાતનો પણ તાગ કયાં
બસ ‘ વફા’ ભમ્યા કરે નાદાન મન.

(6 એપ્રીલ 1966)

Advertisements

શ્રેણીઓ