Posted by: Bagewafa | ડિસેમ્બર 5, 2007

ગઝલ:તું કળી એક ફૂલની _મુહમ્મદઅલી વફા

 bud.jpg

તું કળી એક ફૂલની _મુહમ્મદઅલી વફા

તું કળી એક ફૂલની મલકાઈ ગઈ
બાગમાં લજજામણી શરમાઈ ગઈ.

ખીલવાની મોસમ હજી આવી નહિ
પાનખરની આંખમાં હોમાઈ ગઈ.

અંગડાઈ તેં રચી ક્યાં બાગમાં,
ફૂલની મ્હેકો બધી વિખરાઈ ગઈ.

આપની તો એ હતી નિર્મળ રમત
ને અહીં તો લાગણી ધરબાઈ ગઈ.

બે તરણનો એક માળો ડાળીએ
વીજળીની આંખ ત્યાં અથડાઈ ગઈ.

આ મુસાફર એકલો ચાલી રહ્યો,
ક્યારની વણજારતો સહરાઈ ગઈ.

નાક જ્યાં ડાબ્યું તમે એ મૌનનું.
વાત જે છૂપી હતી કહેવાઈ ગઈ

હે‘વફા’ ફોડો હવે સૂરજ નાં નેણ
હાથની મેંદી જુઓ લોપાઈ ગઈ

(5 ડીસે. 2007)

Advertisements

Responses

  1. Good


શ્રેણીઓ