Posted by: Bagewafa | નવેમ્બર 18, 2007

ગઝલ:બે ચાર ક્ષણની વાત છે_ વફા

 

ruins.jpg 

બે ચાર ક્ષણની વાત છે 

વહેતા સમયની રેતી ઉપર બે ચાર ક્ષણની વાત છે.
સદીઓનાં ઘણાં ખંડેરમાં ઉજડેલ જણ ની વાત છે.

નદીઓને કરી શૂષ્ક , ફરે ચળકાટ મૃગજળનો અહીં
ભટકતા જળ વિનાના આ મૃગના જ રણની વાત છે.

છિપાયેલી તરસ સાથે ન મળ્યું કોઇ અહીંયા કદી
કદી ચાતક તણી કો’પ્યાસ કે, પ્યાસા હરણની વાત છે.

ચહેરા બદલતી જિંદગીનો છે એક એકાંકી અહીં ,
નવતર વહેણની છે વાત આ, વાતાવરણની વાત છે.

લઉં નામ પણ હું કઇ રીતના છે આડમાં શર્મો હયા
રહે પર્દો ‘વફા’ તો ઠીક છે જિવન મરણની વાત છે.

(6નવે.007)

Advertisements

Responses

  1. Good

  2. fentastic… it made my day…

  3. Be char xan ni vaat chhe– Bahu saras Gazal–Dil tar thai gayu-


શ્રેણીઓ