Posted by: Bagewafa | ઓક્ટોબર 3, 2007

કયાં મળે છે _ ’વફા’

comcrete.jpg 

 કયાં મળે છે

અમારી અમોને ખબર કયાં મળે છે?
તમારી યે દ્રષ્ટિ સભર કયાં મળે છે?

મળી જાય કો દિ’સરકતો જ સાયો,
છતાં પણ તમારી નજર કયાં મળે છે?

મળે આંખ શુષ્ક દરિયાઓ લઈને,
હૃદય કુંજમાં કોઇ કદર કયાં મળે છે?

સતત ચાલવાની ય આદત પડી ગઇ,
મળેછે બધે રાહ , સફર કયાં મળે છે?

અમે જોઇ લીધા મકાનો નાં જંગલ,
રહે માનવી એ નગર કયાં મળે છે?

વફા જીવતાંને નથી ઘર કો મળતાં,
અને મૃત્યુ વિણ પણ કબર કયાં મળે છે?

(26સપ્ટે?2007)

Advertisements

શ્રેણીઓ