Posted by: Bagewafa | જુલાઇ 26, 2007

ચમનનેસહારે._મોહંમદઅલી’વફા’

(કોઇ ફરક નહી હૈ રુદાદે ગમકા અબ ભી ‘વફા’
કહેનેકો આજ અંદાજ કુછ બદલા હુવાસા હૈ)

ચમનનેસહારે._મોહંમદઅલી’વફા’

ચમકવું નથી તુજ ગગન ના સહારે.
ચમકવું છે કેવળ જિવનના સહારે.

ઇલાહી તુ દે એક દોલત ખુદીની,
નથી જીવવું આ નમનના સહારે.

ચમકનાર ચમકી શકે આ ધરા પર,
સતત કોણ ચમકે ગગનના સહારે.

સુગંધો અમે પાથરી જઇ રણોમાં
તમારી મહેકછે ચમન ના સહારે.

નહીંતો ફકત જળના બિંદુ છે અશ્રુ,
મહત્તાછે એની નયનના સહારે.

પહોંચી શકાયું ન સાદા લિબાસે,
કબરમાં જવાયું કફનનાં સહારે.

’વફા’મૌન જ્યારે લપાશે બરફમાં,
હ્રદય આગ ઝરશે કવનનાં સહારે.

(‘ઈનસાન’ ઓગષ્ટ1969)

Advertisements

Responses

  1. સુંદર રચના. મને આ પંક્તીઓ બધામાં શીરમોર લાગી છે:

    ઇલાહી તુ દે એક દોલત ખુદીની,
    નથી જીવવું આ નમનના સહારે.

  2. “નહીંતો ફકત જળના બિંદુ છે અશ્રુ,
    મહત્તાછે એની નયનના સહારે.”
    બહુજ સરસ વાત કરી.સરસ શેર છે.

    મેં લખ્યું હોત તો મારો આ શેર એની નીચે ઉમેરો કરી દેત.

    નહિતર કહેવાત એ જંગલી માનવી;
    મહત્તા છે એની કિંતુ સદનના સહારે.
    આદાબ!
    શાહ પ્રવીણચંદ્ર કસ્તુરચંદ


શ્રેણીઓ