સદીઓનું રણ જોયું _મુહમ્મદ અલી વફા
પાનખરની આંખમાં દૂઝતું સ્મરણ જોયું.
ઝાંઝવાની આગમા બળતું હરણ જોયું.
બૂઝવી શક્યો પ્યાસ હું ના તારા મયકદે,
સાગર તરફ દોડી જતું તારું ઝરણ જોયું
જીરવી લેત વાત જો બે ચાર દિનની હોત,
મેં સમયની કાંધ પર તો સદીઓનું રણ જોયું
વાત પથ્થર ની તો શી એનો મિજાઝ વજ્ર
ફૂલના પમરાટનું હૈયું કઠણ જોયું.
માણસો ક્યાં છે ‘વફા’વસ્તી તણા રણમાં,
મે ઘરોની જેલમાં માનવનું ઘણ જોયું
1969
Advertisements
Bagewafa
આપના પ્રતિભાવ