ગઝલ:ભટકે ચહેરા—મુહમ્મદઅલી વફા

તુ જો બદલે તો જમાના બદલ જાએ

ચહેરા બદલનેસે ફકત કુછ નહીં હોતા

 

ભટકે ચેહરા—મુહમ્મદઅલી વફા

 

  કીડી થૈને ચટકે ચહેરા

 ખુદને પણ આ ખટકે ચહેરા

 

નિજનાં રૂપો ઓળખવાને

 દર્પણ દર્પણ ભટકે ચહેરા

 

ઊદાસીઓની ખીંટી ઊપર

પીળા પીળા લટકે  ચહેરા

 

એ કોઈ અનજાન નથી ભૈ

નિજના થઈને બટકે ચહેરા

 

બોલે મીઠા બોલ કોઈ તો

ઝરમર ઝરમર મળકે ચહેરા

 

અંધારાનાં રણમાં પ્હોંચી

ખુદની ઓળખ  ઝટકે ચહેરા

 

એમ મળેછે રોજ બધાને

 ક્યાં કોઈને પ્રિચ્છે ચહેરા

 

 પ્રેમ મદિરા જ્યાં પણ મળતી

નિજના રૂપો  બદલે ચહેરા

 

નગર નગરની ભીડો વચ્ચે

ઓળખ બદલી પિગળે ચહેરા

 

 એનાં રૂપો એક કદીના

મ્હોરું લઈને રઝળે ચહેરા

  

ક્યાંક વફાની ખુશ્બૂ સુંઘી

પોરો ખાવા અટકે ચહેરા

ચહેરા=ચે’રા