(વાદળોમાં નૈસર્ગિગ રીતે અરબી લિપિમાં સર્જાયેલું અલ્લાહનું નામ)
અલહમદુલિલ્લાહિ રબબ્બીલ આલમીન _ અલ કુરાન
કાવ્યમય ભાવાત્મક અનુવાદ:
(ફકત અલ્લાહના માટે અતિ ઉત્તમ પ્રશંસાઓ.
ભલાઈ,બંદગી,ભક્તિ અને છે સર્વ ગુણગાનો.
બહુ સુંદર,અનુપમ સર્વ સૃષ્ટિનો જે સર્જક છે,
સકળ સંસારનો માલિક દશે દિશાનો તે શાસક છે.
_’દીપક’ બારડોલીકર.’આબેકવસર-20)
જોયા વગર _ વફા
જોયા વગર પણ તને માની લઉં, ખુદા.
અદ્વૈત્ય તણા રંગોને પણ જાણી લઉં ખુદા .
તારી સિફત લમયલિદ વલમયુલદ ખરે રહી
તારી રહમની ચાદરો તાણી લઉં ખુદા .
ઉલફત તણા આંગણ મંહી નિરખું સદા તને
તારાં મધુર નામો લઈ માણી લઉં ખુદા .
દિલની ધડકન મહીં રટણ તારું રહે સદા
તારે સહારે સહુ પિડા ખાણી લઉં ખુદા .
શિકવા શિકાયત આ બધી વ્યર્થ છે વફા,
નારાજગી તારીજ જો જાણી લઉં ખુદા .
**
લમયલિદ=તેને કોઇ ઓલાદ નથી
વલમયુલદ=ન તે કોઇની અવલાદ છે.
मोहम्म्दअली’वफा’Mohammedali’wafa’મોહમ્મદઅલી’વફા’ مُحمَّد علی،وَفا،
