ભલી લાગણી છે_મોહંમદઅલી’વફા’
ગઝલ
અને એ તમારી ભલી લાગણી છે.
મને આ દરદ ની મતા સાંપડી છે.
અમારી વિપદની ન કોને પડી છે.
નજર તો બધાની તમારા ભણી છે.
રહી કંટકોમાં મહેકે સદાએ,
ગુલોના જિવનની અજબ ફિલસૂફીછે.
ઉઠે છે કદી શબ્દ ના હોઠ કંપી,
કદી મૌન ની આંખ જો સળવળી છે.
અહેસાન તારો મળી મુજને ઠોકર
હવે આ હ્રદય ની આંખો ખુલી છે.
ખુદાયા તુ ધીરજ અમોને અતાકર,
જુલમ ની હવેતો વરસતી ઝડી છે.
હવે આગમન થાય વહેલું તો સારુ
હવે તો પ્રતિક્ષાની ધીરજ ઘટી છે.
’વફા’છે કબરનું આ વેરાન જંગલ,
છતાં દોડ સહુની ફકત ત્યાં સુધી છે.
(તરહી કલમી મુશાયરો 13ડીસેંબર1968 ‘ઈસ્માઇલી’)
પંકતિ:સિતારે સિતારે નવી રોશની છે.
मोहम्म्दअली’वफा’Mohammedali’wafa’મોહમ્મદઅલી’વફા’ مُحمَّد علی،وَفا،